Thirrja më e bukur!
--------------------------
Kur thirret Ezani,
fillon dhe mëshira të zbres nga Er Rrahmani.

Largohet shejtani, mbretëron qetësia,
vjen erë mbarësuese nga vetë Perëndia.

Nga Allahu ynë, që është i lartësuar,
për të gjithë besimtarët, në saf janë rreshtuar,

të falin namazin janë të urdhëruar,

 edhe të nderuar,

ta lëvdojnë Rrahimin, të jenë të bekuar.

...Haja ala salah, haja ala el felah...

Eja në namaz, eja në shpëtim,
thirrja më e bukur, që të jep gëzim.

Del nga çdo minare,
minare xhamie,

Dhe të ngroh në shpirt.

Kjo thirrje e përgjëruar ngjitet e çan qiejt,
dhe e ndrit çdo shpirt,

për çdo krijesë njerëzore, pajisur me besim,
ftesa për shpëtim,

ilaçi më i fortë, që të dhuron shërim,
shpresë dhe rigjallërim,

i jep kuptim jetës, edhe motivim,
dhurata më e madhe, udhëzimi më i drejtë,
nga Allahu ynë.

Allahu Ekber! Allahu Ekber!
Allahu është më i Madhi !

Allahu është më i Madhi !
-thirret Ezani nga çdo Muezin,

La ilahe il allah,
s'ka Zot tjetër veç Allahut, që është Zoti ynë,
i Vetmi, që meriton lavde edhe adhurim.

Kur dëgjon kët' thirrje, 
të ëmbël, fafuritëse, dallgëzuese, buçitëse,
plot shpresë e drithërim,

nxito ti për falje,
zdirgju në xhami,
motër e nderuar dhe ti vëllai ynë!

Gjendesh në udhëkryqe të jetës?!
-ndien ti trishtim,-ndien boshësi,

gjendesh në ngushtica, edhe plogështi,
ndien ti mungesa dhe padrejtësi,

për çdo udhëkryq, do gjesh rrugëdalje,

ti do gjesh shpëtim.

Eja në namaz, falu në xhami,

por dhe në shtëpi,

dhe ku ke mundësi, ku ka pastërti,

kudo është tokë e Zotit,

falu me ata që falen, falu dhe në vetmi,
se do gjesh shpëtim,
premtim nga Allahu, që është Zoti ynë.

MA SHAA ALL-LLAH!

Bismilahi Rrahmani Rrahim!
"O ju që besuat, falni namazin me ruku e sexhde dhe vetëm Zotin tuaj adhurojeni. Bëni punë të mira (të dobishme), se do të gjeni shpëtim." Kur’an 22/77.
"E, besimtarë të vërtetë janë vetëm ata, të cilëve, kur përmendet Allahu u rrëqethen zemrat, të cilëve kur u lexohen ajetet e Tij, u shtohet besimi dhe janë të mbështetur vetëm te Zoti i tyre". (Enfalë, 8:2)

“…fal namazin, vërtet namazi largon irritimin, çdo të keqe dhe çdo shëmti...!” Ankebut,45, Kur'an.