O ti, që dëshiron të martohesh...!

O Ti, që dëshiron të martohesh! Këshilla për rininë...! (Themelimi i bashkëshortësisë së shëndetshme dhe familjes së hajrit,në Islam!) Dhe ti, që martesa të është vonuar, Krahët e shpresës për ju janë të hapur, Nëse i mbështetesh Zotit, që të ka krijuar, Të ndërtosh një bashkëshortësi të hajrit, Një familje, vërtet të bekuar, ndiq këshillat e Allahut të madhëruar, në versetet e Kuranit të famshëm, Librit të bekuar! O ti, e re dhe ti, i ri, Ty, që të ka ardhur koha e martesës, dëshiron të martohesh, Të kesh dhe fëmijë, mos harro, se lumturia do të vijë. Nëse u përmbahesh dispozitave të Tij, Nëse kapesh fort,Te litari i Allahut, Kurani Fisnik, Nëse kapesh fort e kurrë s’dorëzohesh, as rrëzohesh, nëse me besimtaren e sinqertë, e të devotshme, Nëse me besimtarin e sinqertë, e të devotshëm, Do të martohesh, Se kjo është pjesë e besimit tënd, Të adhurosh Allahun, me palën, që të qetëson, Të mbush shpirtin me dritë, e nuk të nëpërkëmb, Te Allahu të afron, me Rrahmani jeton, nuk të dhunon, S’ta bën jetën të vështirë, nuk të mundon, as të poshtëron, nuk të tradhton, Imanin të rrit, bëhet si dritë, që errësirën largon. Se detyra jote gjithësesi, është adhurimi i Allahut të lartësuar, ç’e bukur, ç’e madhe përgjegjësi, ndaj lehtësoja, vetes, dhe atyre, që do t’i kesh bija e bij, prej tyre dhe nipa, dhe mbesa, ç’e bukur dhunti! adhurimin e Allahut, dhe jetën e kësaj bote, bëjua lehtësi, se një ditë do të merresh në llogari, Nga Zoti, që krijoi mua dhe ty, dhe ç’ka në të, kjo gjithësi! Motër e devotshme, mos u nxito, mos u ngut, Me robin e devotshëm të sinqertë dhe të ndershëm, besnik ndaj Allahut, besnik ndaj teje, martohu me të, dhe mos u tut! Dhe ti, o rob Zoti, o vëlla i devotshëm, i ndershëm, dhe i nderuar, Mos u nxito, tregohu i maturuar, Me një robëreshë Zoti, besimtare e devotshme, Të sinqertë e besnike,(ndaj teje),ndaj Allahut të madhëruar, Të ndershme, plot hajër, Bëje palën tënde, martohu me të, me lejen e Zotit, me dashuri te paster, rro i gëzuar! Misionin fisnik, natyrshëm keni për ta realizuar, të adhuroni bashkarisht, Zotin e botëve, që ju ka krijuar, vetet dhe familjen për t’i shpëtuar, nga zjarri i tmerrshëm i xhehenemit, të jeni të privuar,(të shpëtuar), në ditën e gjykimit , të mos jeni të dëshpëruar, por, banorë të kopshteve, ku rrjedhin lumenj, bukuri dhe lumturi të tillë, që askund se gjen. Ndaj, kujdes, nga pakujdesitë, Kujdes nga nxitimi, dhe padituritë, Kujdes nga kurthet, dhe dredhitë e shejtanit të mallkuar, Se fenë e vërtetë, përpiqet për t’ua ngatërruar! Robi më i përshtatshëm, për të jetuar , Ai, ajo, që ka frikë Allahun e lartësuar, ********* &*&* Zemrën me iman, plot mëshirë e butësi, i ndershëm, i paqshëm, plot me dituri, pērplot edukatë, edhe plot kulturë, plot njerëzishmëri, kurrë s’të lëndon, nga feja e vërtetë s’të devijon, s’të bën keq, s’ka se si, i dijshëm, rob i Allahut, robëreshë Allahu, Si robërit e (Zotit) të gjithmëshirshmit, Përshkruar qartësisht në Kuranin Kerim, Fjalët dhe veprat, si hëna, kur ndrin, Gjendet drit’ hyjnore, atje ku përmendet emri i Tij, zemrat dhe fytyrat shkëlqejnë dhe ndrijnë, nga frika e Allahut, arratiset shejtani, midis bashkëshortësh s’mundet të hyjë, se ka mëshirë të madhe, ka forcë madhështore, Er Rrahmani. Të fton, drejt kopshteve të xhenetit, jo në të kundërt të tij, Kujdes, nëse s’dëshironi të ini xhehenemlinj, **** Lutjuni Allahut, t’ju bekojë me palën e duhur, Me ato fatbardhat, robëresha Zoti, Me ata,Fatbardhët, që i ka përshkruar qartësisht, ajeteve në Kuran, Të të bëhet shpirti dhe jeta pranverë, mos mbaj pranë vetes, zullumqarin, as zullumqaren,as hipokritin, as hipokriten, Mos kurorëzo atë, që për ty është harram, Edhe sikur me bukurinë të të mahnit, Edhe me pasurinë të të çudit, Për të dy botët, Është dëm, dënim i madh për ty, Është zullum, errësirë dhe privim nga mirësitë, Sikurse të veshësh këpucën e bukur, me numrin gabim. O rob i Zotit, Një robëreshë Zoti është për ty thesar, O Robëreshë Zoti, Një rob i Zotit për ty është thesar, Motër besimtare, dhe ti vëlla besimtar, E lus Allahun, që fati t’ju prijë, T'i përmbaheni këshillave të Tij, T'ua vesh zemrat me dashuri dhe mëshirë, Me besimin e pastër, dashurinë e pastër, Për një jetë të dlirë, Bashkëudhëtarë në këtë botë, Dhe në ahiret, Nën strehën e Arshit, Të Atij, që dhuron rrahmet, Së bashku të jetoni të lumtur në këtë jetë, Së bashku të hyni dorë për dore dhe në xhenet, Ndaj të shëtisni së bashku vazhdimisht, Nëpër Kuran dhe sunet, E madhe qoftë mëshira e Allahut, Për çdo besimtar dhe besimtare, Që ecën përherë vetëm rrugës së drejtë, Dhe i përmbahet Dritës Hyjnore, Në jetën e vet, Dritës Hyjnore, Që në shpëtim thërret! Të shëtisni vazhdimisht, nëpër Kuran dhe sunet, E madhe qoftë mëshira e Allahut, Për çdo besimtar dhe besimtare, Që ecën përherë, vetëm rrugës së drejtë, dhe i përmbahet Dritës Hyjnore, në jetën e vet, Dritës Hyjnore, që në shpëtim thërret! MA SHAA ALL-LLAH ! “O ju, që besuat, mos bëni asgjë, para se të konsultoheni me (Kur'anin) librin e Allahut...” (Huxhurat, ajeti 1, Kur'an.) "Mos u martoni me idhujtare deri qe ato te besojne (Zotin).Një robëreshë besimtare është më e vlefshme se një idhujtare, edhe nëse ajo(idhujtarja) ju mahnit.Mos u martoni as me idhujtarë deri që ata të besojnë (Zotin).Një rob besimtar është më i vlefshëm se idhujtari,edhe nëse ai ju mahnit.Ata ju ftojnë për në zjarr, e Allahu me mëshirën e vet ju fton për në xhenet, për në shpëtim dhe u sqaron njerëzve argumentet e veta, ashtu, që ata të përkujtojnë.(Suretu El Bekare, ajeti 221, Kur'an) O ti pejgamber, thuaju grave te tua, bijave te tua, dhe grave te besimtareve, le ti vene shamite e veta, mbulesen islame mbi trupin e tyre.(Sure Ahzab, ajeti 59, Kuran)/Edhe mbulesa islame eshte nje akt i bindjes ndaj Allahut xheleshanuhu, nje zgjedhje e Krijuesit per te miren e krijeses,nje tregues i besimit të sinqerte, ndersa vendoset per hir te Krijuesit. Ndersa Allahu ka urdheruar, atyre qe deshmojne besimin sinqerisht,nuk u mbetet tjeter vetem se ti binden Krijuesit, pra "nuk kane zgjedhje tjeter", thuhet ne ajetin 36 te sures Ahzab. "Urdheroje familjen tende te fal namaz edhe ti vet zbatoje ate..." "Ti lexo ate qe te shpallet nga Kurani..."(Kuran) "Falni namazin, jepni zeqatin ne menyre qe te meshiroheni."(Kuran) “O Zot, na jep të mira në këtë botë, të mira na jep edhe në botën tjetër ahiretin, dhe na ruaj prej dënimit me xhehenem.” (El Bekare, 201, Kur'an.) Shpjegim termash: Rob Zoti,robëreshë Zoti: ka kuptimin njeri i mirë, njeri i Zotit, besimtar i vertete, që u bindet urdhëresave të Krijuesit, duke i praktikuar në jetën e tij ose të sajën, dhe shijon mëshirën dhe dhembshurinë e Tij, në të dy botët. Pra, nuk do të thotë njeri i robëruar,por një njeri adhurues vetëm ndaj Zotit të vet."Dhe Unë nuk i krijova për tjetër njerëzit dhe xhinët,përveçse që ata të më adhurojnë Mua",-thotë Allahu lartësuar në Kuranin fisnik.