Petku i devotshmėrisë...!

''O ti Pejgamber, thuaju grave tua, bijave tua dhe grave të besimtarëve le t'i vënë shamitë (mbulojë) e veta mbi trupin e tyre, pse kjo është më afër që ato të njihen (se nuk jane te parregullta) e të mos ofendohen. All-llahu fal gabimet e kaluara, Ai është mëshirues.''Ajeti 59, Sure Ahzab,Kuran.

Vishe petkun e Devotshmërisë !

(Motër,-Vishe mbulesën islame!)

Se është kurorë e mirësisë,

Pasqyrë e bindjes ndaj Zotit,

E kulturës, edukatës dhe dijes,

Dhe pasqyrë e ndershmërisë,

ta bën zemrën të gëzuar,

edhe jetën më të gjallëruar,

me një vesk të bukur lumturie,

drita hyjnore, në brendësinë tënde bie,

edhe imanin ta fuqizon,

rritet, porsi një pemë e madhe,

që jetën bleron,

dinjitetin tënd e mbron,

ditën e kijametit,

Allahu me mëshirë të shikon.

Vishe petkun e devotshmërisë,

se është për ty, kurorë e bukurisë.

A i ke parë thesaret me florinj?!

Po perlat dhe margaritarët?!

Rruginave të jetës, l

irshëm të jenë ekspozuar ?!

-Bëji një të mirë vetes,

o robëreshë Zoti,

Vlerësoje dhe çmoje ,

ashtu sikurse Zoti yt,

në Kur'anin e shenjtë të ka vlerësuar.

Ty, nuk mund të të prek, as çdo lloj shikimi,

Ty, nuk mund të të prekin, as çdo lloj duarsh!

Allahu me një gradim të veçantë, Të ka nderuar,

me një urdhër të fortë, të mbrojtjes hyjnore,

të ka bekuar,

të ruajtjes prej botës së ligë,

syrit ziliqar,

Dije se ti je, porsi një perlë,

më e çmuar, se florinj dhe margaritar’.

Më shumë se çdo kush të lartësoi,

Allahu fuqiplotë,

Kreatori i gjithësisë,

Që të formëzoi,

ashtu si dëshiroi .

Ndaj, fshihe atje ku duhet, motër, bukurinë,

shtoje dijen, bëje kopsht të gjerë,

vishe mbulesën islame,

rrit devotshmërinë,

bëhu e vendosur në brendësinë tënde,

dhe barrierë për djallëzinë,

mirësitë e Allahut,

si kurorë nderi e bukurie,

mbi ty do rrinë e ndrijnë,

ditë më të mira,

mbushur plot aromë dhe gëzim,

për ty do vijnë,

Veshja islame,

Barrierë për të keqen,

Në çdo sprovim, lehtësim,

Nëse për hir të Allahut je veshur,

Plot vetëdijësim,

Në zemër ke dritë të shtuar imani,

Dhe plot gëzim,

dhe atëherë jeta ka për të të shijuar,

ndërsa ty, o motra ime,

veç ai, që të ka merituar,

ashtu si Allahu ka urdhëruar,

në Kuranin e famshëm, e të bekuar,

askush të mos ketë shancin për të të lënduar,

Me plot nderim e dinjitet të të kenë trajtuar,

Me kujdesin , se mos të thyejnë zemrën,

apo të lëndojnë e krisin shpirtin,

Si gota e kristaltë, kur me dashje,

Ose krejt nga pakujdesia,

e hedhin nga duart,

Me butësi, plot dinjitet, e dhembshuri të pastër,

Të të kenë trajtuar,

pêr hir të Allahut, të madhëruar,

përsa kohë i mbështetesh Allahut të madhëruar,

plot nderim e mirënjohje të të kenë trajtuar,

Ashtu si Allahu ka urdhëruar,

ndryshe,

le të presin ndëshkimet e Sundimtarit të vërtetë, cilido, që hidhërimin e Allahut, mbi veten e zbret.